Lirik lagu Mangayun yang dibawakan oleh ibunda Masdani Nasution, dan merupakan ciptaan Bahraini Lubis alias Odang
 |
| lirik: Mangayun - Ciptaan Bahraini Lubis |
Mangayun - Masdani Nasution
Cipt. Bahraini Lubis (Odang)
Shalaatullah... shalaamullah... 2x
Ala yaasin.... habibillah....
Diayun ho amang diayun
Dianggun dibue-bue
Hodo amang siubat lungun
jadima ho anak na soleh
Dianggun ho amang dianggun
Sareto mandok syukur tu Tuhan
Malum nyae sombu lungun
Horas torkis markahirasan
Shalawat salam tu rasulullah
Mangharop safaat ni ibana
Dianggun ho amang anso martua
Patidahon holong ni ama ina
Anggunan na ma,rbunga-bunga da amang
Dihiasi nauli bulung
Suang doma anggunan sorga da amang
Riang sude koum na markunjung
Sai horasma tondi madingin
Jana sayur matua bulung
Jadima ho anak namukmin da amang
Cita-cita nian marujung 2x
Diayun ho amang diayun
Dianggun dibue-bue
Nauli bulung riang mangayun
Horas torkis ama ina magabe
Tu anak sanga pe brou
Sudena hamu si oban dame
Sagalo koum mando’ahon hamunu
Jadima homu anak na soleh
Simbur ma ho amang laho magodang
Peng-peng muse laho matua
Ringgas mangarejohon sumbayang
Sareto mando’ahon ama ina
Hodo jagar-jagar ni ama ina da amang
Mayam-mayam ni si mangido
Marlagut kahanggi anakboru mora da amang
Sapangido anso ho anak parugama
Marlagut koum sisolkot
Nasian jae na sian julu
Ida ho amang sude on ancogot da amang
Holong ni on ulang lupa hamunu 2x
Ho do udut ni tangan na pondok
Tamba ni gogo na so sadia
Nadung lan on amang ulang gabe lotok
Onma do’a nami koum kaluarga
Bege tondimu asa matogu
Dung dipasahut baga-baga
Niat ni ama ina dipalalu
Maroban sangap maroban tua
Muda dung maginjang magodang
Magogo ho amang marsipoda
Haru sibukku merjeng marnyiang
Hu gogoi do manjalaki na suada
Poken di aek nabara da amang
Hadungdung tu si pagabu
Dao nian sagalo mara da amang
Nazar ni ama ini dipalalu
Horasma tondi madingin
Jana sayur matua bulung
Tutup do’a Allohumma amin
Sian sude koum na markunjung 2x
(Ulangan)
Diayun ho amang diayun
Dianggun dibue-bue
Homa amang siubat lungun
jadima ho anak na soleh
Dianggun ho amang dianggun
Sareto mandok syukur tu Tuhan
Malum nyae sombu lungun
Horas torkis markahirasan
Shalaatullah... shalaamullah... 2x
Ala yaasin.... habibillah...
Demikian lirik lagu Mangayun by Masdani Nasution ciptaan Bahraini Lubis. semoga dapat bermanfaat. terimakasih.
Mantap
ReplyDelete